УУЛЫН НАМАР

Зохиол С.Пүрэвийн ижил нэрт туужаас сэдэвлэн бүтээсэн "Уулын намар" уран сайхны кино. "ЦЕБО ФИЛЬМ" болон "ЛОГИК ФИЛЬМ"-ийн хамтын бүтээл болох энэхүү киноны үйл явдал буйдхан өртөөнд өрнөх бөгөөд хайр дурлал, баяр гуниг, амьдралын жам бүгдийг багтааж чаджээ. Хэтийдсэн гоёл чимэглэл үгүй амьд жүжиглэлт, дүрүүдийн хоорондын эрс тэрс ялгаа зэрэг нь уг киног шимтэн үзэх нэгээхэн шалтгаан. Хөнгөн инээд, мөн гуниг, хүмүүний дотоод сэтгэлийн зөрчилдөөнийг харуулдаг.